Situatë e njëjtë metereologjike sikur dje do të vazhdojë të mbajë edhe sot, raporton Instituti Hidrometereologjik i Kosovës.
Instituti Hidrometeorologjik ka bërë të ditur se edhe mëngjesin e sotëm pritet të vazhdojë të ketë mjegull.
“Kjo si pasojë e masave anticiklonike të stacionuara mbi kontinentin Evropian, konkretisht mbi gadishullin e Ballkanit, të cilat do ta mbajnë këtë gjendje stabile. Prezenca e pak orëve me diell gjatë ditës do të krijojë kushte që mëngjesi i së dielës dhe mbrëmje të kenë mjegull të radiacionit apo rrezatimit tokësor”, ka njoftuar IHK.
Temperaturat minimale do shkojnë deri në zero gradë Celsius, e ato maksimale nga 9 deri në 11 gradë Celsius.
“Temperaturat minimale do të zbresin deri në zero gradë Celsius, ndërsa maksimalet parashihen të lëvizin ndërmjet 9-11 gradë Celsius. Do të fryjë erë nga drejtimi i verilindjes e lehtë deri mesatare”, bën të ditur IHK.