Një grup i korbave “të paturpshëm” janë kapur nga kamera duke ndukur qime nga shpina e një dreri para se të fluturojnë bashkë me to e t’i përdorin si material “izolues” për qerdhet e tyre.
Në kërkim të materialeve sa më cilësore për ndërtimin e “shtëpive” të tyre, korbat u lëshuan në shpinën e një dreri të ri dhe shpejt filluan t’ia nduknin qimet.
Në pamje shihet se dreri zemërohet shpejt nga korbat e bezdisshëm dhe në mënyrë të dëshpërueshme mundohet t’i shkundë nga shpina, shkruan Daily Mail, transmeton Gazeta Express.
Videoja qesharake u bë nga fotografi Paul Broënin në Parkun “Bushy” në perëndim të Londrës. Ky është parku i dytë më i madh nga tetë parqet mbretërore të Londrës dhe në të jetojnë 320 drerë të kuq dhe të vërdhemë.
Paul tha se ishte i mahnitur nga ndërveprimi mes drerit dhe korbave gjatë një vizite tjetër që ia kishte bërë parkut më parë dhe u kthye në park për të bërë fotografi edhe më interesante.