Një vit më herët, më saktësisht në dhjetor të vitit 2019 vlera e Rashicës kishte arritur në 35 milionë euro nga ‘Transfermarkt’, pasi edhe lojtari nga Kosova po shkëlqente me gola e asistime.
Por kjo vlerë që nga dhjetori i vitit të kaluar ka vazhduar duke rënë, teksa fillimisht ishte 28 milionë euro e pastaj në 22 milionë. Faqja e specializuar për vlerën e futbollistëve ka bërë përditësimet e reja, ku vlera e Rashicës ka rënë edhe më shumë, transmeton Metro.
24-vjeçari tani nga kjo faqe vlerësohet vetëm 18 milionë euro.
Rashica ka mbetur te Werder Bremen, përkundër që emri i tij është lidhur me shumë skuadra të njohura evropiane gjatë verës. Ylli kosovar nuk arriti dot të largohet, pasi Werder nuk kënaqej me ofertat që vinin në drejtim të tyre për vushtrriasin.
Reprezentuesi kosovar pati një lëndim që i humbi disa takime, ndërsa deri më tani është paraqitur në vetëm katër sfida me Werderin.
Ai në 207 minuta sa qëndroi në fushë, nuk ka arritur ende të shënoj apo asistoj.
Gjithsesi interesimi i skuadrave të ndryshme për të vazhdon, ku Bayer Leverkusen mund të jetë ekipi i tij i ri, pasi ‘Farmacuetikët’ edhe në verë ishin më së afërmi për ta transferuar Rashicën.
Të interesuara mbesin edhe skuadrat tjera si Wolfsburg, Leeds United e RB Leipzig.