Sevilla futet në garë për Shaqirin.
Skuadra nga La Liga, Sevilla është futur në garë për Xherdan Shaqirin, kanë njoftuar të enjten mediumet spanjolle.
Bëhet e ditur se Sevilla tashmë ka kontaktuar Liverpoolin për transferimin e Shaqirit gjatë afatit kalimtar të janarit.
Te Sevilla e shohin Shaqirin si përforcim ideal për repartin ofensiv dhe do të bëjnë të pamundurën për të siguruar shërbimet e tij.
Shaqiri 29-vjeçar, këtë edicion ka pasur telashe me lëndime dhe ka regjistruar vetëm pesë paraqitje për Liverpoolin në të gjitha garat, duke shënuar një gol dhe asistuar një herë.
Ai ka kontratë me Liverpoolin deri në vitin 2023, kurse kartoni i tij vlerësohet rreth 15 milionë euro.
Pos Sevillës, edhe skuadrat si Roma e Galatasaray po synojnë transferimin e Shaqirit në janar.
Shaqiri iu bashkua Liverpoolit në vitin 2018 nga Stoke City kurse karrierë ka bërë edhe tek Interi, Bayerni e Baseli.