Qëndron në “pozicionin e dërrasës” për mbi 9 orë, thyen rekordin e Guinness

Atlet australian, Daniel Scali, ka thyer një Rekord Botëror Guinness duke qëndruar në pozicionin “dërrasë” për 9 orë e 30 minuta.

Scali, i cili fitoi këtë rekord botëror në Adelaide, duhej të mundte rekordin e vendosur prej 8 orë e 15 minuta, nga George Hood në shkurt të 2020-ës në ShBA.

“Ishte një dhimbje e vazhdueshme nga koka deri te këmbët. Këmbët e mia ishin të mpirë. Gjunjët e mi po digjeshin. Kofshët e mia po digjeshin. Krahu im i majtë ndjehej sikur ishte në zjarr. Por gjithçka ia vlejti në fund”, është shprehur Scali.