Kryetari i Skenderajt Bekim Jashari, i cili po synon të udhëheq këtë komunë edhe për një mandat të ri 4-vjeçar, dje ka takuar banorët e fshatit Klinë e Poshtme.
Postimi i plotë i Jasharit:
Në Klinë të Poshtme, bashkë me asambleistët aktual Musa Hajdari e Musa Fazliu nga ky vend, me Gjeneral Ilaz Derguti, bashkëluftëtarin e familjes Jashari, Shekip Fazliu dhe kandidatët për asamble, Kryetari Bekim Jashari ka takuar mbështetësit tonë të shumtë, njerëzit me të cilët sipas tij na lidhë historia jonë e lavdishme, miqësia por edhe territori.
“Është po kjo Klinë e cila luajti rol vendimtar në varrimin e heronjve të familjes dhe lagjes Jashari, e po ashtu kjo Klinë që edhe sot po e mbështet idealin tonë për jetësimin e amanetit të heronjve e dëshmorëve të kombit.
Para tyre prezantuam projektet e realizuara dhe ato që do t’i realizojmë në 4 vitet e ardhshme, në udhëheqje të Skenderajt si dhe asambleistët tonë për Kuvend Komunal nga ky vend: Musa Fazliu, Kosovare Murtezaj, Jehona Qerimi e kandidat tjerë që ishin prezent sonte, në këtë takim”, tha Jashari.
Në fund Kryetari, Bekim Jashari tha që Klinën e Poshtme do ta bëjmë me investime të shumta sikurse në lagjet e qytetit sepse qyteti ynë është ndërtuar në pronat e tyre, andaj e kemi obligim që qytet tua bëjmë tani edhe vendin e tyre.
Ideal për Skenderaj!