Gjeneral Ilaz Derguti dhe Kryetari i veteranëve Emin Lati, i bëjnë thirrje qytetarëve të përkrahin Bekim Jasharin
Koordinatori për vlera lufte, Ilaz Derguti si dhe Kryetari i OVL-UCK, Emin Lati, kanë bërë thirrje për unitet tek veteranët, invalidët si dhe familjet e dëshmorëve në mënyrë që të gjithë të përkrahin Bekim Jasharin për kryetar të Komunës së Skenderajt.
Lati, përmes një postimi në facebook ka njoftuar se kategoria e veteranëve të UCK-së qëndron e rreshtuar krah Familjes Jashari.
“Të nderuar veteranë, invalidë dhe familje të dëshmorëve të UÇK-së ju ftojmë në ora 18:00 në Palestrën Sportive në Skenderaj në takimin përmbyllës të kryetarit Bekim Hamëz Jashari. Ne si veteran të UÇK-së qëndrojmë të rreshtuar me vlerat e luftës, me familjen e Komandantit Legjendar Adem Jashari”, ka shkruar Lati.
Postimi i plotë:
Të nderuar veteranë, invalidë dhe familje të dëshmorëve të UÇK-së ju ftojmë në ora 18:00 në Palestrën Sportive në Skenderaj në takimin përmbyllës të kryetarit Bekim Hamëz Jashari.
Ne si veteran të UÇK-së qëndrojmë të rreshtuar me vlerat e luftës, me familjen e Komandantit Legjendar Adem Jashari.
Jasharajt janë emblema e jonë e UÇK-së.
Disa mesazhe anonime që ju kanë ardhë në telefon kanë për qëllim përqarjen dhe konfliktin mes veteranëve dhe kështu janë qëllim këqija.
Shihemi në ora 18:00 në tubimin përmbyllës të Bekim Hamëz Jashari, në Palestrën e re Sportive në Skenderaj.
Me respekt
Ilaz Derguti koordinator për vlerat e luftës së UÇK-së
Emin Lati kryetar i veteranëve të UÇK-së në Skenderaj