Një burrë pretendon se i ka kaluar 12 vitet e fundit duke bërë vetëm 30 minuta gjumë në ditë – dhe thotë se ai pothuajse nuk lodhet fare.
Daisuke Hori nga Japonia, tregon se shkurtoi orarin e tij të përditshëm të gjumit nga tetë orë në 30 minuta, duke këmbëngulur se nuk ndjen asnjë efekt anësor negativ.
Hori, 36-vjeçar është kryetari i “Shoqatës Japoneze për Gjumë të Shkurtër”, dhe iu mëson qindra njerëzve teknikat e tij, me shpresën se më shumë persona do ta adoptojnë stilin “produktiv” të jetës së tij.
Eksperti i gjumit të shkurtër madje doli në televizionin japonez për të diskutuar orarin e tij të pabesueshëm të gjumit.Hori deklaroi se ai gjithmonë mendonte se 16 orë nuk ishin të mjaftueshme për të arritur gjithçka që donte të bënte në një ditë, kështu që ngadalë filloi të eksperimentonte me mënyra për të shkurtuar rutinën e tij të gjumit.
Në vetëm disa vite ai ishte në gjendje të shkurtonte orarin e gjumit në gjysmë ore – duke pretenduar se ai është ende “i shëndetshëm dhe energjik”.
Për të dëshmuar arritjen e tij të pabesueshme, ai lejoi një ekip televiziv në shtëpinë e tij për tre ditë, për të dokumentuar stilin e tij të jetës unike.
Në mënyrë shokuese, ai me të vërtetë ia doli me vetëm 30 minuta gjumë, madje në disa netë edhe më pak.