Nancy Simpson i kishte humbur nuhatja që kur ishte fëmijë, për arsye që ende nuk i di.
25-vjeçarja nga Londra, ishte rritur pa funksionim të shqisës së nuhatjes, por mbeti e habitur kur pas rikuperimit me COVID, ajo filloi të nuhasë gjëra.
Ajo tha për The Sun se kishte qenë e izoluar kur kishte filluar të nuhasë gjithçka për herë të parë.
“Kam qëndruar në shtëpi gjatë Krishtlindjeve, duke u izoluar në dhomën time dhe një ditë kuptova se isha në gjendje të nuhasja gjithçka. Gjërat që më pëlqejnë ti ndjej aromën më shumë janë frutat, qirinjtë dhe përdorimi i erëzave në gatime të ndryshme”, tha ajo.
Jane Parker, eksperte e shijeve dhe nuhajtjes në Universitetin e Reading, tha se infeksionet virale mund të dëmtojnë qelizat nervore në hundë, gjë që i ndalon ata të dërgojnë sinjalet e duhura në tru.
Shumicës së personave iu rikthehet nuhatja por disa prej tyre vuajnë nga këto ndryshime për periudha të gjata.