E zjarrtë gara për titull, shikojeni tabelën e Superligës

Pas dy ndeshjeve të sotme në Superligën e Kosovës në futboll, renditja tabelore, vjen me disa ndryshime.

Gjilani me fitoren kundër Dukagjinit (2-1), tashmë ka 42 pikë, aq sa ka edhe Drita në krye të tabelës.

Në garën për kreun e tabelës, është edhe Llapi që pas fitores se djeshme kundër Feronikelit (4-2), ka grumbulluar 36 pikë, raporton RTKLive.com.

Drenica dhe Prishtina me ndarjen e pikëve (0-0), mbesin në mesin e tabelës me 28 përkatësisht 25 pikë.

Garë e zjarrtë po luhet edhe mes skuadrave që po ‘luftojnë’ më të gjitha forcat që të ikin zonës së rrezikshme.