Victor Osimhen duket se po luan sezonin e fundit me klubin italian, Napoli.
Ylli i ‘napolitanëve’ është në shënjestër të disa klubeve të mëdha evropiane.
Arsenali siç raportojnë mediat angleze, është futur në garë për sulmuesin e Napolit, transmeton RTKLive.com.
Nigeriani aktualisht është një nga sulmuesit më të kërkuar në futbollin botëror pasi ka shënuar 21 gola në 44 paraqitje të këtij sezoni me Napolin.
Arteta në kërkim të një top-sulmuesi
Trajneri i ‘Topçinjve’, Mikel Arteta është në kërkim të një top-sulmuesi pas largimit të Pierre-Emerick Aubameyang.
Gjithashtu edhe Alexandre Lacazette dhe Eddie Nkeitah po hynë në muajt e fundit kontratave të tyre me londinezët.
Mediat italiane shkruajnë se Osimhen është në ‘radarin’ e gjigantit anglez, skuadër kjo që po ‘lufton’ më të gjitha forcat për të siguruar një vend që çon në Ligën e Kampionëve për sezonin e ardhshëm.
Ja sa kërkon Napoli për Osimhen
Megjithatë, Arsenali për të transferuar Osimhen, i cili po shfaq performancë të lartë këtë sezon në Serie A. duhet të derdh në arkën e Napolit hiq më pak se 84 milionë funtesh.
Ndryshe, lojtari po monitorohet edhe nga disa klube tjera evropiane.