Ballkani dhe Gjilani, luftë për titull

Ndeshja mes Gjilanit dhe Ballkanit sot në kuadër të Javës së 27-të të Superligës së Kosovës në futboll pritet ta sqarojë dukshëm garën për titull.

“Skifterat” janë pa fitore në tri ndeshjet e fundit dhe do të mundohen te rikthehen te rezultatet pozitive ndaj skuadrës së Ballkanit.

Në anën tjetër, suharekasit që ta sigurojnë vendin e parë do të synojnë fitoren ndaj Gjilanit.

Në tabelë Ballkani kryeson me 54 pikë, ndërsa Gjilani gjendet në pozitën e tretë me 49 aq sa ka edhe Drita, që gjendet në vendin e dytë.

Ndeshja do të zhvillohet në stadiumin e Gjilanit me fillim nga ora 13:30.