Parku Amerikan i Lirisë në kohën e Sami Lushtakut është rregulluar me 1000 mungesa e keqpërdorime për çka ishte marrë edhe prokuroria ndersa tani ka nisur shkatërrimi i tij fillimisht i shportave e mandej karrigave e në fund edhe dritave. Këtyre s’pari ju hoqën ndriçimi anësorë e mandej u thyen krejt sikurse shumë shënja trafiku në atë pjesë të rrugës. Karriget tentuan ti djegin; kryesisht dëmtimet i kanë bërë në mënyrë shumë “profesionale” nxënësit e shkollës profesionale qe me sjelljet e tyre të përgjithshme shumë pak prej tyre gjasojnë në nxënës siç thotë njëri nga shfrytëzuesit e këtij parku, shkruan portali rajoni.org.
Por këta të fundit nuk ishin dëmtuesit e vetëm. Tash kanë nis të krijohen edhe deponi të reja, njëra prej të cilave është vetëm 20 metra larg pompave të ujësjellësit (fotoja).
Qytetarët qe e shfrytëzojnë për rekrecion, sidomos profesorët në pension si rasti i Arif Sylanaj, Sadri Sadriu, Ferat Ahmeti, Idriz Uka; përpiqen ta mbajnë pastërtinë duke grumbulluar vetë mbeturinat por nuk po ja dalin, pasi keqbërës ka shumë ndërsa komuna dhe inspektorati janë në gjumë.
Ndërsa banorët e kësaj zonë kanë shumë ankesa por nuk kanë ku ti drejtojnë e as nuk i dëgjon kush.
