Nga kjo banese, doli në ditën e Bajramit. E nga ora 8 e mëngjesit të së hënës, Hajrie Ferizi, nuk u kthye më në shtëpi.
Babai i saj, Bekim Ferizi, thotë se vajza 13-vjeçare tha se po shkon për të marrë dhuratë në xhaminë afër, me rastin e festës.
Ferizi thotë se dyshimet e vetme qe i ka, është se dikush ja mashtroi vajzën.
E disa orë më pas, jo larg shtëpisë, Hajrien e panë edhe shoqet e lagjes.
Këto kanë një apel për bashkëmoshataren e tyre.
Sipas familjarëve, 13-vjeçarja ishte larguar edhe një herë nga shtëpia, por që ishte kthyer te nesërmen, me arsyetimin se ishte tek shoqet.
Se nuk është hera e parë që largohet nga shtëpia, e konfirmoi edhe Policia rajonale e Gjakovës.
“Ankuesi e kishte kërkuar ne disa lokacione ku dyshohet se mund te ishte vajza e tij mirëpo të njëjtën nuk e ka gjetur. Sipas ankuesit viktima ishte larguar edhe një herë tjetër nga shtëpia. Lidhur me rastin është njoftuar prokurori kujdestar dhe në konsultim me të iniciohet rast si më lartë. Rasti nën hetime”, thuhet në përgjigjen e Policisë së Gjakovës.
Ndërkohë me rastin, janë duke u marrë edhe në Prokurorinë Themelore të Gjakovës.
Ndërkohë familja Ferizi ka kërkuar nga qytetarët ndihmë për gjetjen e vajzës.