Iniciativa Qytetare “GREEN për Drenas” nëpërmjetë një komunikate të leshuar në rrjetin social “facebook” ka njoftuar se ka përjashtuar nga Grupi i asamblistëve të kësaj inciative, znj. Valentina Leku-Gashi, shkuran portali rajoni.org.
Në komunikatë thuhet se znj. Leku-Gashi që nga marrja e mandatit të asamblistes përmes iniciativës “GREEN për Drenas”, nuk ka pranuar të marrë pjesë në takime konsultuese para mbledhjeve të Kuvendit Komunal Drenas; nuk ka pranuar të jetë pjesë e aktiviteteve mjedisore (së fundmi mungoi edhe në debatin për shënimin e Ditës së Tokës më 22 prill); Madje, bashkëshorti i saj na ka pamundësuar komunikimin direkt me të.
Komunikata e plotë:
Iniciativa Qytetare “GREEN për Drenas” njofton përkrahësit e saj, por edhe gjithë opinion e gjerë se pas konsultimeve të gjata, në mbledhjen e datës 06.05.2022 të bashkëthemeluesve të kësaj Iniciative, Xhavit Drenori, Arbër Halilaj dhe Blerton Nuhaj, është marrë vendimi për PËRJASHTIM nga Grupi i asamblistëve “GREEN për Drenas” të znj. Valentina Leku-Gashi.
Znj. Leku-Gashi që nga marrja e mandatit të asamblistes përmes subjektit tonë politik, nuk ka pranuar të marrë pjesë në takime konsultuese para mbledhjeve të Kuvendit Komunal Drenas; nuk ka pranuar të jetë pjesë e aktiviteteve tona mjedisore (së fundmi mungoi edhe në debatin për shënimin e Ditës së Tokës më 22 prill); Madje, bashkëshorti i saj na ka pamundësuar komunikimin direkt me të.
Nga takimet që kemi zhvilluar me bashkëshortin e saj, ai e ka pohuar që ka negociuar me Drejtorin aktual të DKA-së për punësim të asamblistes në fjalë në shkollën fillore në Llapushnik.
Për neve si subjekt politik, i themeluar, përveç tjerash, edhe për meritokraci dhe barazi shoqërore në përgjithësi, është i papranueshëm shfrytëzimi i mandatit të asamblistit për punësim në poste publike komunale.
Ne i bëjmë thirrje znj. Leku-Gashi t’ia dorëzoj mandatin e asamblistes Iniciativës “GREEN për Drenas”, përmes së cilës Iniciativë edhe e mori këtë mandat, përndryshe jo vetëm që i ka mashtruar votuesit tanë, por ka shkelur edhe mbi punën dhe sakrificën e të gjithë anëtarëve dhe përkrahësve të subjektit tonë, si dhe programin tonë politik.
Ne si subjekt politik do e përcjellim rastin e punësimit të asamblistes në fjalë dhe nëse kjo ndodh, këtë rast do ta inicojmë tek organet e ndjekjes.
