Sami Lushtaku i PDK-së e ka quajtur skandaloz shkarkimin e Fadil Kodrës, i cili ishte ushtrues e detyrës së drejtorit të Agjencisë për Menaxhimin e Emergjencave (AME), raporton GazetaBlic.
Lushtaku ka akuzuar qeverinë Kurti, duke thënë se kanë shumë antipati ndaj Ushtrisë Çlirimtare të Kosovës.
Shkrimi i plotë:
I turpshëm e skandaloz lajmi se është shkarkuar nga pozita e Drejtorit të Përgjithshëm të Agjencisë së Emergjencave të Kosovës, njëri prej themeluesve të UÇK-së, pjesëtar i grupit të Komandantit Legjendar Adem Jashari, luftëtar i dalluar i UÇK-së, Gjenerali Fadil Kodra.
Duket që kjo qeveri e turpit ka aq shumë antipati ndaj UÇK-së, sa askush nuk mund të imagjinonte se veprimet e saj do të bien deri në këtë nivel. Nuk ka turp më të madh sesa të shkarkohet nga pozita e Drejtorit të Agjencionit të Emergjencave, një njeri si Fadil Kodra, që gjithë jetën e ka vënë në shërbim të kombit.Duket që ka ardhë koha e proserbëve e nostalgjikëve të Jugosllavisë që të qeverisin me institucionet e Kosovës.
Turpi ju mbuloftë!