E gjithë Evropa po përballet me temperatura ekstreme, çka ka bërë edhe OBSH-në të dal me rekomandime se si duhet të mbrohemi në këto ditë. E temperatura shumë të larta priten edhe në Kosovë ditëve në vijim.
Situatë e ngjashme meteorologjike do të vazhdoj të vijoj edhe për gjatë kësaj jave, sipas Institutit Hidrometerologjik të Kosovës.
Kjo situatë e krijuar meteorologjike vije si pasojë e masave të nxehta të ajrit me presion të lartë atmosferikë.
Minimalet do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius.
Indeksi UV do të vazhdoj të mbetet i lartë dhe këshillat e IKSHP dhe të IHMK mbeten në fuqi, që nënkupton kufizimin e kontaktit direkt me rrezet e diellit nga ora 09:00-17:00.
Do të fryjë erë nga drejtimi i verilindjes dhe jugperëndimit me shpejtësi 1-7m
Ndërkaq sipas “Prishtina Weather” temperaturat janë në rritje, çka do të shkojnë deri në 35 gradë Celsius ditën e enjte dhe të premte.
Ditën e premte pasdite, nuk përjashtohen mundësi për zhvillime të rrebesheve të shkurta të shiut.
Indeksi i rrezeve ultraviolete do të jetë në nivele shumë të larta të rrezikut, kështu që orëve të mesditës rekomandohet t’i ikim ekspozimit më të gjatë ndaj rrezeve të diellit.
Temperaturat në rritje graduale, minimalet zbresin deri në 10C të martën, e më pas në rritje në 15C. Maksimalet nga 28 e 29C në fillim të javës, rriten deri në 34C e 35C të enjten dhe premte.
Erërat frynë kryesisht nga veriu e verilindja, lehtë dhe mesatare 5-11m/s.
Shtypja atmosferike në rënie graduale përreth vlerave normale.