Mbi 60 për qind e maturantëve e kaluan Provimin e Maturës në afatin e gushtit

Ministria e Arsimit, Shkencës, Teknologjisë dhe Inovacionit ka bërë të ditur se 60.2 për qind e maturantëve e kanë kaluar testin e maturës në afatin e gushtit.

Në njoftimin e lëshuar thuhet se ishin 2,384 nxënës që iu nënshtruan testit.

“Arritshmëria mesatare në test është 43.2%. Provimi i Maturës është organizuar më 27 gusht 2022, në 59 qendra të testimit, ndërsa në këtë proces janë angazhuar 177 komisionerë, 70 mbikëqyrës, 50 vëzhgues nga organizata rinore KYC, si dhe 600 administrues”.

“Provimin e kanë paraqitur 5,084 nxënës, por në test kanë hyrë 3,958 prej tyres. Nga testi për shkak të përdorimit të telefonit janë larguar 21 nxënës”, thuhet në njoftim.