Sinjali mëngjesin e sotëm ka raportuar për një rast të kërcënimit që ka ndodhur në qytetin e Gjakovës, ku viktimë është një grua. Sipas burimeve të Sinjalit, ish i dashuri i saj vazhdimisht e ka kërcënuar përmes mesazheve, duke i kërkuar që të rikthehen bashkë. Kjo bëri që 28-vjeçari të arrestohet dhe të përfundojë në ndalim policor.
Burimet e Gazetës Sinjali brenda Prokurorisë kanë bërë të ditur se bëhet fjalë për Leonard Dervishaj.
Dervishaj dyshohet se ka ka kërkuar nga 34-vjeçarja që të vazhdojnë lidhjen dhe të kenë marrëdhënie seksuale dy herë në javë. Në të kundërtën, ai e ka kërcënuar se do t’ia mbysë fëmijët.
Pas denoncimit të 34-vjeçares, Policia ka arrestuar Dervishajn i cili u shoqërua në stacion policor për intervistim dhe ndaj tij u iniciuar rasti ‘Kanosje’.
Me urdhër të prokurorit, i njëjti është dërguar në mbajtje për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.