Problem i madh për futbollin është kthyer edhe konflikti mes Rusisë dhe Ukrainës, i cili ka më shumë se gjashtë muaj që vazhdon.
Fillimisht ishte pezullimi i domosdoshëm i kampionatit ukrainas, më pas vendimi për përjashtimin e klubeve ruse nga kupat evropiane dhe kombëtaren nga Kupa e Botës. Dhe përfaqësueset e dy vendeve patën edhe dhimbje koke të tjera.
Ukraina duhej të shtynte play-off-in për të provuar të merrte biletën për në Katar, duke u stërvitur nëpër Evropë vetëm për të humbur ndeshjen vendimtare me Uellsin.
Po Rusia? Ata thjesht janë duke qëndruar në vend, sepse nuk mund të gjejnë kundërshtarë në dispozicion edhe për një ndeshje miqësore. Por gjërat mund të ndryshojnë, nga zemërimi… i Miralem Pjanic.
Deklaratat e Pjanic
Ish-mesfushori i Roma-s dhe Juventus-it në fakt ka lëshuar disa deklarata për Sportske lidhur me mundësinë që Bosnja të përballet me Rusinë në Shën Petersburg gjatë ndërprerjes së kampionateve për ndeshjet e kombëtareve të nëntorit.
Federata e ka pranuar ftesën, diçka që duket se nuk i pëlqen aspak lojtarit që sapo është transferuar në Emiratet e Bashkuara Arabe.
“Jam në dijeni të vendimit të Federatës. Dhe drejtuesit e dinë mirë pozicionin tim, më thirrën dhe më pyetën se çfarë mendoja për këtë ndeshje.
“Dhe i thashë atë që mendoja, por vendimi më befasoi. Është një vendim i keq, nuk kam fjalë. Kur skuadra fillon të luajë mirë, gjithmonë ndodh diçka e keqe. Unë vetëm do të them që nuk është një vendim i mirë. Çfarë “.
Miqësoret e tjera të Rusisë
Në çdo rast, Rusia nuk do të presë të shohë nëse Bosnja do të ndryshojë mendje për t’u rikthyer në fushë. Kombëtarja është në ngërç që nga nëntori i kaluar, kur luajti në ndeshjen kundër Kroacisë, e humbur 1-0, gjë që e detyroi të hyjë në play-off-et për një vend në botëror.
Play-off që Rusia atëherë nuk i luajti, duke pasur parasysh përjashtimin. Por ndërkohë që ka diskutime në Ballkan, rusët kanë gjetur tashmë dy kundërshtarë të sigurt.
I pari është Kirgistani, ndaj të cilit njerëzit e Karpin do të luajnë më 24 shtator, në ndërprerjen e radhës së kampionateve për ndeshjet e kombëtareve. Dhe pastaj një ndeshje kundër Iranit është gati në nëntor, kur në datën 19 duhet të luhet edhe ndeshja që po kthehet në mollë sherri…