“Telenovela” Antonio Griezmann është kthyer në një çështë kryesore te Barcelona dhe Atletico Madrid, me sulmuesin që është i huazuar te këto të fundit.
Dy skuadrat kanë një marrëveshje për blerjen përfundimtare të francezit nga Atletico, por kjo varet edhe nga ndeshjet që luan sulmuesi.
Greizmann duhet të luaj më shumë se 50 për qind të ndeshjeve gjatë qëndrimit dy vjeçar te Atletico Madrid, dhe “Los Colchoneros” po bëjnë lojëra këtë edicion duke e aktivizuar francezin vetëm pas minutës së 60-të.
Klauzola e blerjes përfundimtare të Griezmann është 40 milionë euro, por ky çmim po konsiderohet i lartë nga skuadra kryeqytetase.
Mediat në Spanjë kanë raportuar se dy klubet po bisedojnë për të gjetur një tjetër marrëveshje me Barcelonën që është gati të bëj ulje në çmimin e francezit vetëm e vetëm që ta heq qafe.
Katalanasit janë të gatshëm ta lejojnë largimin e Griezmann për vetëm 25 milionë euro.
Vlen të theksohet se përveç Atleticos, interesim për sulmuesin francez ditë më parë ka shprehur edhe Paris Saint Germain.