Në Komunën e Drenasit në pozitën “Specialistë të inxhinierisë se Ndërtimit”, është punësuar Ndriçim Bujupi, i cili është djali i motrës se Kryetarit të kësaj Komunë, Ramiz Lladrovcit, shkruan portali rajoni.org.
Vendimi për punësimin e tij është marrë [v.j. 13 shtator 2022] nga Njësia për Menaxhimin e Burimeve Njerëzore, dikaster ky që merret me konkurset publike në Drenas, zbulon portali rajoni.org
Ai është zgjedhur më i miri, duke grumbulluar 83 pikë, zbulon dokumenti të cilin e ka siguruar rajoni.
Portali rajoni.org ka kontaktuar me zyren e informimit të Ramiz Lladrovcit të cilët kanë thanë se në konkursin në fjale asnjë kandidat tjetër nuk ka shprehur interes për pozitën në fjalë, dhe si i vetëm, ka qenë kandidati fitues.
“Në bazë të Ligjit për zyrtarët publik, njoftimi për hapjen e konkursit fillimisht ka qenë për 30 ditë, pastaj për 15 ditë të tjera ka qenë i hapur për aplikim dhe gjatë kësaj periudhe asnjë kandidat tjetër nuk ka shprehur interes për pozitën në fjalë, i vetmi ka qenë kandidati fitues”, ka thënë kjo zyre për rajonin.
Kujtojme qe kjo nuk është hera e parë që përmendet emri i kryetarit, Ramiz Lladrovcit për nepotizëm.
Në të majtë nipi, në mës vellau ndërsa në të djathtë djali i Ramiz Lladrovcit
LEXO EDHE:
“Udhetime në Turqi, shpenzime për derivat e dreka zyrtare”, Komuna e Ramiz Lladrovcit me një ‘mal’ shpenzime