Drenica fiton me rikthim ndaj Prishtinës

Prishtina ka pësuar humbje në përballjen kundër Drenicës.

Skuadra e Drenicës ka bërë një paraqitje mjaft të mirë në stadiumin e saj, duke mposhtur Prishtinën me rezultatin 2:1.

Prishtina kaloi e para në epërsi kur arriti të gjente golin me anë të Hamitit, por këtë epërsi nuk arritën ta ruanin deri në fund.

Drenica barazoi fillimisht me anë të Gavazaj, kurse goditjen e dytë dhe vendimtare Prishtinës ia dha Abazi, i cili shënoi nga pika e bardhë e penalltisë.

Drenica shkon kështu në kuotën e 11 pikëve, aq sa ka edhe Prishtina në pozitën e tretë, por kryeqytetasit kanë një ndeshje më pak të luajtur.