Vajza e Jakup Krasniqit, Gresa, ka publikuar sot një urim të babait të saj, të cilin ai ia kishte bërë para dy vjetsh me rastin e ditëlindjes së saj.
“Urime ditëlindja Gresa ime! Paç shumë fat në jetë!”, i kishte uruar atë kohë ish-kreu i Ushtrisë Çlirimtare të Kosovës, Jakup Kransiqi vajzës së tij.
E ngjitur në publikimin e këtij urimi, Gresa ia ka bashkuar edhe një video tjetër emocionuese.
“E hanë bre mos u vono, çu kallëzo për mue, thuj sa net kam ndejtë në vetmi e saherë kam qa për ty…thuj se malli m’ka përvlue e askujt s’muj me i besue. Derën hap e la tuj pritë, veç ai n’të me trokit”, dëgjohen fjalët e aktorit Bislim Muçaj që Gresa i ka zgjedhur t’ia shtoi kësaj video.
Kujtojmë se më 23 shtator, Gjykata Speciale në Hagë ia ka vazhduar paraburgimin ish-kreut të Ushtrisë Çlirimtare të Kosovës, Jakup Kransiqit.