Sot është mbajtur seanca e rregullt e asamblesë komunale në Skënderaj, shkruan portali rajoni.org.
Planifikimi i buxhetit komunal për vitin 2023, hapi diskutime të shumta, ku ndër to ra në sy kumtesa e Hysni Mehanit, i cili te foltorja përveç leximit vendosi një fletë me mbishkrimin “Jemi në brevë”.
Menjëherë pas përfundimit të seancës ai ka dalë me një postim në rrjetin social ku ka sqaruar arsyjen e vendosjes së kësaj fletushke në foltore.
Ai ka thënë se arsyeja e vetme e vendosjes së kësaj fletushke atje është kundërshtimi i planifikimit buxhetor komunal për vitin 2023.
“Nëse 1 milion e 120 mijë euro është riparimi i lumenjve dhe rrugëve, kur krejt buxheti për investime kapitale është rreth 4 milionë. Atëherë hyjmë në një rreth ciklik ku nuk mund të ketë progres, sepse punët e njëjta do të përsëriten çdo 4 vjet përmes riparimeve.Kështu buxheti bëhet Buxhet i Brevës, që nuk i lenë pa tenderë pushtetarët përmes riparimeve, por gjendja e qytetarëve mbetet e njëjtë”, -ka shkruar ndër të tjerash Mehani në facebook.
Postimi i tij i plotë:
“JEMI NË BREVË – Buxheti 2023 – Komuna Skënderaj
Në planifikimin e buxhetit të Komunës se Skënderajt parashihen:
80 mijë euro për vetura zyrtare,
10 mijë euro digjitazlim të shkollave,
1 milion e 120 mijë në mirëmbajtjen e lumenjve dhe rrugëve,
50 mijë euro për pajisjet mjekësore për 4 vjet.
Nëse 1 milion e 120 mijë euro është riparimi i lumenjve dhe rrugëve, kur krejt buxheti për investime kapitale është rreth 4 milionë. Atëherë hyjmë në një rreth ciklik ku nuk mund të ketë progres, sepse punët e njëjta do të përsëriten çdo 4 vjet përmes riparimeve.
Kështu buxheti bëhet Buxhet i Brevës, që nuk i lenë pa tenderë pushtetarët përmes riparimeve, por gjendja e qytetarëve mbetet e njëjtë.
Breva është lloji gjarpri që shtrëngon fort prenë e tij, ashtu siç pushtetarët në Skënderaj po shtrëngojnë buxhetin e komunës para se ta kapërdijnë.
Breva në popull njihet edhe si babëzi (terrpi).”
