Deputetja e Partisë Demokratike të Kosovës, Ganimete Musliu, e ka kritikuar presidenten Vjosa Osmani dhe ministren e Jashtme, Donika Gërvallën për mospërfaqësim dinjitoz në Organizatën e Kombeve të Bashkuara.
“Noterja e Albin Kurtit, Vjosa Osmani bashkë me asistenten e saj, Donika Gervallën të cilat “pro forma” e udhëheqin politikën e jashtme të Kosovës, me disa takime kurtuazie arritën ndërprerjen e traditës së mirë të përfaqësimit të Kosovës në Organizatën e Kombeve të Bashkuara”, tha Musliu, shkruan Gazeta Insajderi.
Kurse kësaj radhe Vjosa dhe Donika u mjaftuan me disa takime sa për sy e faqe dhe sa për postime nëpër fcb-at e tyre”.
Derisa sërish falënderoi kryeministrin shqiptar, Edi Rama, që e ngriti çështjen e Kosovës, në OKB.
“Për fatin tonë të mirë aty ishte Kryeministri i Shqipërisë Edi Rama i cili ngriti edhe çështjen e Kosovës dhe të hitorisë sonë të lavdishme në formën më brilante; Në formën që i ka hije një burrështetasi të vërtetë”.
Ajo tutje tha se “Donika Gërvalla po dështon në çdo aspekt si në përfaqësimin e jashtëm si në menaxhimin e brendshëm të MPJD-së duke shkaktuar dëmë vështirë të riparueshme”.
Përderisa Serbia, sipas saj për sesionin vjeshtor të OKB-së ka angazhuar me dhjetëra e dhjetëra diplomatë me përvojë, “Donika mjaftohet me një Ambasador dhe me një diplomat të vetëm. Ambasadori Dugolli përfaqëson Kosovën në USA i mbështetur vetëm me një diplomat. A mjafton”?
“Pse Donika, para syve të Kryeministrit dhe të Presidentes, po i bllokon diplomatët më përvojë në diplomaci dhe në këtë mënyrë po e paralizon shërbimin e jashtëm dhe përfaqësimin e denjë të vendit tonë në arenën ndërkombëtare”?
Musliu thotë se “Kryeministri Kurti e ka për obligim të merr masa sepse politika e jashtme nuk bëhet me një notere dhe me asistenten e saj. E ka obligim të ndërhyjë për të stopuar dështimet zingjiror në politikën e jashtme të Republikës së Kosovës”.
“Sepse, dështimet e këtyre dyjave do ti faturohen Albin Kurtit sikurse do ti faturohen gabimet dhe dështimet e të gjithë ministrave të kabinetit të tij. Duke heshtur dhe duke bllokuar çdo dikaster të shtetit Albin Kurti e ka vërtetuar se nuk e meriton të udhëheqë një shtet. Prandaj sa më shpejt që t´i shporrim nga pushteti aq më mirë për Kosovën dhe të ardhmën e saj”, tha tutje Musliu, shkruan Gazeta Insajderi.
https://www.facebook.com/100044342085191/posts/pfbid02ofo3XKUwshfLuvoCTVBYuSvsf4Akh6Mdf3zss1TJekBoE6vERRWMoS9c4FUAsLbrl/?app=fbl