Ish-presidentët shqiptarë shkojnë në Hagë, vizitojnë Thaçin dhe të tjerët

Ish-presidentët e Shqipërisë, Alfred Moisiu, Rexhep Meidani dhe Bamir Topi si dhe ish-kryeministri shqiptar Pandeli Majko, të shoqëruar nga Behgjet Pacolli kanë filluar vizitën e tyre në Hagë.

Ata do të takojnë ish-krerët e Ushtrisë Çlirimtare të Kosovës, Hashim Thaçin, Kadri Veselin, Rexhep Selimin e Jakup Krasniqin të cilët po mbahen në qendrën e paraburgimit.

Kjo vizitë po realizohet me iniciativë të kreut të AKR-së, Behgjet Pacolli, i cili kishte ftuar edhe ish-presidentët e Kosovës.

Megjithatë, kësaj vizite nuk i janë bashkuar ish-kryetarët e shtetit të Kosovës, Fatmir Sejdiu dhe Atifete Jahjaga.