Një mosmarrëveshje e gjatë kishte shoqëruar klasën më të vjetër të shoqërisë sonë: pensionistët, mirëpo këto ditë më në fund po paraqiten shkëndija qetësimi shkruan Rajoni.org.
Situata duket të jetë qetësuar në mesin e pensionistëve të Skënderajt dhe mosmarrëveshjet që kanë mbretëruar në mesin e kësaj kategorie të shoqërisë sonë mund të thuhet se po i përkasin të kaluarës.
Rajoni mësoi se kjo ka ndodhur pas kuvendit zgjedhor, nga ku kanë dalë organet drejtuese të Lidhjes së këtushme të Pensonistëve, e që është mbajtur në praninë e të deleguarve nga qendra në krye me prof. Nazif Gashin.
Burimet thonë se kryetari i Lidhjes së Pensionistëve është zgjedhur ushtruesi i deritashëm i detyrës së kryetarit: Shaqir Mecini, i cili ka marrë shumicën e votave të pjesëmarrësve.
Kujtojmë se në mesin e pensionistëve të kësaj komune ka pasur mosmarrveshje mes Shoqatës për Mbrojtjen e të Drejtave te Pensionistëve dhe Lidhjes së Pensionistëve të kësaj komune, të cilët kishin pretenduar se kanë të drejtë ta menaxhojnë klubin e këtushëm të pensionistëve.
/Rajoni.org/