Shënimet e përvjetorëve të rëndësishëm në krejt Kosovën në përgjithësi e në Drenicën tonë heroike në veçanti, pa familjen emblematike të komandantit legjendar Adem Jashari janë të mangëta (termi më i butë që mund të përdoret në këto raste), shkruan Rajoni.org.
Por, pikërisht kjo ndodhi e po ndodh në komunën e Skënderajt, ku me metoda perfide po tentohet të margjinalizohen përfaqësuesit e kësaj familjeje, nga të cilët burojnë rrënjët e lirisë.
Kjo përpjekje kundrejt Jasharajve pat filluar mjaft herët nga ata, që këtë familje e përdorën vetëm për të ardhur në pushtet. E njëjta përpjekje kulminoi në zgjedhjet e fundit lokale, ku ata që sot qeverisin me Skënderajn nuk lanë metodë pa përdorur për ta njollosur ish- kryetarin e kësaj komune, Bekim Jasharin.
Se ka tendenca që të anashkalohet kjo familje tregon edhe rasti i djeshëm në shënimin e 300 vjetorit të Xhamisë në Burojë, ku nuk u pa familja Jashari dhe paramendoni a do të kishte mundur të ndodhte një rast i tillë në Dukagjin pa familjen Haradinaj?!
/Rajoni.org/
