Mot i ngrohtë me intervale me diell dhe vranësira gjatë ditës

Sot pritet të kemi ndryshim gradual të motit, por përkundër shtimit të vranësirave temperaturat nuk pritet të shënojnë ulje dhe ajo maksimale pritet të arrijë deri në 22 – 23 gradë Celsius.

Gjatë ditës do të ketë shtim të vranësirave të cilat në mbrëmje do të fillojnë të kushtëzojnë reshje lokale shiu. Gjatë natës reshje shiu priten në tërë territorin e Republikës së Kosovës.

Të martën na pret mot kryesisht i vranët dhe me reshje të herëpashershme shiu në tërë rajonin. Në jug dhe perëndim të Shqipërisë priten rrebeshe lokale me vetëtima dhe bubullimë.

Nga e mërkura na pret mot me intervale kohore me diell, por edhe vranësira e rrebeshe lokale shiu të cilat do të vijnë duke u rralluar dhe moti do të ketë tendencë stabilizimi gradual.