Ditë më parë një femër ishte shpallur e zhdukur në Skënderaj. Policia nuk kishte informacion se ku mund të gjendej dhe rasti u vazhdua në hetime, shkruan Rajoni.org.
Pas kësaj policia bën të ditur se më në fund ka rezultate të zhvillimit të hetimeve me 2 persona meshkuj, që janë arrestuar për këtë rast.
Në bazë të kategorizimit policor të rastit si “Mundësim ose detyrim në prostitucion”, marrim vesh se personat në fjalë janë autorë të një vepre penale ndaj viktimës femër që ishte shpallur e zhdukur, që lidhet me prostitucion dhe për të cilën ata janë arrestuar./Rajoni.org/
Kjo u bë e ditur në raportin shtesë policor:
“Raport shtesë:
PERSON I ZHDUKUR&MUNDËSIM OSE DETYRIM NË PROSTUTICION
Skenderaj 08.10.2022-09:00. Janë arrestuar dy të dyshuarit meshkuj kosovar nën dyshimin se të njëjtit në bashkëveprim kanë kryer veprën penale ndaj viktimës femër kosovare e cila ishte lajmëruar si person i zhdukur ndërsa e njëjta është gjetur dhe dërguar në QMGF Mitrovicë Jugu. Dy të dyshuarit me vendim të prokurorit, janë dërguar në mbajtje. Rasti në procedurë hetimore.”/Rajoni.org/