Sot babai i Granit Xhakës, Ragip Xhaka vizitoi Komunën e Skënderajt nga Zvicra, shkruan Rajoni.org.
Kryetari Fadil Nura i bëri një dhuratë modeste me simbol Komunën e Skënderajt, ndërsa Sami Lushtaku një dhuratë me simbol UÇK-në.
Postimi i plotë i Lushtakut:
“Kënaqësi të mirëpresim në Skenderaj Ragip Xhakën, së bashku me miq të tjerë nga Kryesia e Degës së PDK-së në Zvicër, të cilët na përgëzuan për punët dhe përgjegjësitë tona në kuadër të Komunës së Skenderajt.
I falëndëruam për vizitën por edhe për angazhimin e tyre në rritjen e vetëdijes politike në diasporë, përmes angazhimit politik jo vetëm për Kosovën, por edhe për Zvicrën.
Në fund, meqë Ragipi do të kthehej për vizitë tek Graniti, një urim shumë të veçantë për të, për lojën e bukur dhe rezultatet fantastike që këtë sezonë po tregon tek Arsenali ⚽️
SL”
