Vdes Fikrije Dugolli, gruaja e vëllait të deputetit të Lëvizjes Vetëvendosje, Bujar Dugolli.
Këtë e bëri të ditur vetë deputeti i LVV-së përmes një postimi në Facebook, transmeton “Veriu”.
“Kujdesin dhe bukën e gatuar nga duart tua, për shumë shokë e miq që më vizituan kur dola nga burgu, nuk do ti harroj kurr… “, shkroi ndër të tjera Dugolli.
Postimi i plotë
Njoftim mortor
Një anëtare e familjes sonë (bashkëshortja e vëllait tim të madh Naserit,Fikrije Dugolli) iku për në botën e amshueshme.
Para 40 vitesh u bëre anëtare e familjes sonë, nuse e vëllait Naserit. Unë isha në burg ditën që u martuat me vëllain tim, dhe padyshim, ajo ishte dita më e gëzuar për mua në burg. Mungova në dasëm sepse nuk mund të dilja që andej, por këngën nuk e ndala në qelinë e burgut në Nish.
Sa shumë u gëzova edhe pas një viti, kur Ti dhe vëllai Naseri, po aty nga burgu i Nishit e pranuat propozimin tim për pagzimin e djalit tuaj të parë që lindi, me emrin Alban.
Kujdesin dhe bukën e gatuar nga duart tua, për shumë shokë e miq që më vizituan kur dola nga burgu, nuk do ti harroj kurr…
Natyrisht, sonte po ndihem i pikëlluar, shumë i pikëlluar dhe i mërzitur që ike nga kjo botë, kunata ime, nusja e vëllait tim…
Shpirti yt pushoftë në paqe Fikrije!