Në njërën ndër pikat e rendit të ditës së asmblesë komunale të Skenderajt është edhe ajo që ka të bëjë me shpalljen e pyjeve të këtushme zonë gjuetie, shkruan Rajoni.org.
Sipas materialit të dhënë për asmablistët parashihet që të hyjnë të gjitha pyjet, përveç atyre që janë të përfshira në zonën e Dubuqakut që njihet ndryshe si rezervat për mbrojtjen e shtazëve të egra.
Edhe pse në letër kanë cekur disa shifra, në fakt në këto pyje fondi i shtazëve të egra është fare i vogël apo më mirë të thuhet s’ka hiq. Kjo më pas vë në dyshim qëllimin e vërtetë të pushtetit aktual në Skenderaj sa i përket kësaj çështjeje, sepse të shpallësh zonë të gjuetisë një vend ku s’ke çka gjuan është abasurd i llojit të vet. Kështu, asmablistët duhej dashur që të mendojnë mirë para se ta ngrisin dorën, për këtë sidomos ata të PDK-s, që pushteti i Nurës po i përdorë si makineri votash.
Këtu komuna e Skënderajt ka paraparë (te pyjet private dhe ato publike), që për t’i vrarë “shtazët” e pyllit të vet gjuetari duhet të shtie me armë. Nëse kjo ndodh dihen pasojat e atyre rasteve të tilla. Pra në njëfarë forme asmablistët kanë dhënë aminin për këtë.
Në material thuhet se kanë marrë pëlqimin e Ministrisë së Bujqësisë respektivisht të Agjensiont të Pylltarisë për pyjet shoqërore dhe pikërsisht këtu edhe lindi dyshimi, sepse në këtë zonë parashihet që ta menaxhojë një shoqatë, e cila do të aplikojë për t’i plotësuar kriteret. Prandaj, kjo me siguri do t’u jipet atyre që janë pjesë e klaneve të këtij pushteti. Në njëfarë forme ata do të kenë të drejtë të vendosin për pyjet, ”për shtazët e egra” dhe çka nese kjo ndodh për një kohë të gjatë?!
Siç po jipen pronat publike (pothuajse nuk mbeti asnjë).
Tokat bujqësore i morën, në punë s’i shtinë, pronat publike që vyen diçka i gllabëruan dhe nëse këto pyje në ndonjëfarë forme pësojnë të njëjtin fat, atëherë këtij populli s’po i mbetet kurrgjë e posaqërisht rinisë, veç ”trenit e drejt për gurbet”.
Siç duket kështu po i vjen puna këtij populli të vuajtur të Kosovës në përgjithësi dhe Drenicës në veçanti dhe krejt po e dimë nga kush e kush./Rajoni.org/
