Komuna e Skënderajt dhe organizata joqeveritare KDI janë përleshur ashpër sot në rrjetet sociale informuese.
E gjitha mendohet se filloi pasi KDI kishte “ngucur” komunën e Skënderajt, duke deklaruar se nuk kanë mbajtur dëgjime buxhetore dhe nuk kanë dërguar ftesa për KDI-në që të marrë pjesë në këto dëgjime.
Më tutje komuna e Skënderajt i përgjigjet, por jo butë, po goxha ashpër me një shkrim në facebook duke iu drejtuar se “KDI ta monitorojë edhe vetveten”.
Përveç kësaj, komuna ka publikuar edhe disa fotografi nga dëgjimet buxhetor që i ka mbajtur në disa bashkësi lokale, gjithashtu edhe disa ftesa që ata pretendojnë se ia kanë dërguar KDI-së, por këta të fundit ishin indiferentë.
Postimi i plotë i komunës:
KDI përveç monitorimit të punës së Komunës, ta monitorojë edhe vetvetën!
Organizata joqeveritare KDI, në një publikim të raportit rreth monitorimit të dëgjimeve buxhetore për vitin 2023 dhe parashikimet për vitet 2024 dhe 2025, në të cilin përveç tjerash thuhet se “Komuna e Skenderajt nuk ka mbajtur dëgjime buxhetore”, ka bërë huqje të madhe profesionale, me apo pa tendencë, madje përfaqësuesja e organizatës e cila monitoron punën e Komunës së Skenderajt, nuk ka qenë fare pjesëmarrëse në asnjë dëgjim buxhetor nga 5 takimet e mbajtura.
Ndonëse KDI fare nuk është marrë me monitorim me prani fizike të monitoruesve të saj, Komuna e Skenderajt ka bërë të gjitha njoftimet rreth këtyre dëgjimeve me kohë, duke publikuar në faqen zyrtare të komunës në internet, në rrjetet sociale, për të informuar mbi të gjitha qytetarët për ciklin e dëgjimeve buxhetore.
Ndonëse në rrethana të tjera normale, KDI do të duhej të kërkonte falje për joprofesionalizëm më shumë sesa ka provuar të mos e paraqes të vërtetën, Zyra për Informim ri-publikon faktet:
Fakti 1 – Ftesa zyrtare për dëgjimet buxhetore dhe kalendari i tyre:
https://kk.rks-gov.net/skenderaj/wp-content/uploads/sites/27/2022/06/1345_220609143324_001-1.pdf
Fakti 2 – Publikimi i ekstrakteve të procesverbaleve nga dëgjimet buxhetore:
https://kk.rks-gov.net/skenderaj/category/konkursey-njoftimet/diskutimet-publike/