Kjo është infermierja që e rrahu të moshuaren mizorisht

Infermieria që dyshohet se rrahu brutalisht të moshuarën në shtëpinë e pleqve në Pejë është Aurona Pelaj nga fshati Novosellë i Pejës, e cila tashmë është arrestuar, raporton Gazeta Sinjali.

Policia në Pejë ka konfirmuar se dy punonjëset e shtëpisë së pleqve “Orenda” janë arrestuar në lidhje me rastin e sulmit fizik ndaj të moshuarës në Pejë.

Sipas Policisë, është arrestuar e dyshuara që shihet duke sulmuar fizikisht të moshuarën dhe punëtorja kryesore e shtëpisë së pleqve ku ka ndodhur rasti.

Rasti ka nxitur reagime të shumta menjëherë pas publikimit në rrjetet sociale të mërkurën.