Portali Rajoni.org ka siguruar një video të një përcjelljeje të policit të njësisë speciale të Kosovës në Mitrovicë, Halil Fazliu nga Vitaku i Skënderajt.
Po bëhet fjalë për policin, i cili pas 20 viteve shërbimi në këtë sektor të sigurisë së Kosovës (prej tyre 13 vite në njësinë speciale), detyrohet ta lë uniformën dhe t’ia mësyjë perëndimit, më konkretisht Gjermanisë.
Vërtet është kjo një video që përcillet me mjaft emocione nga shokët e tij, të cilët për këtë koleg shembullor kishin shumë fjalë të mira. Mirëpo, te kjo po e sjellin kushtet, që edhe Halilin sikurse shumë shokë të tjerë të tij në polici, shëndetësi dhe sektorë të tjerë po i detyrojnë të migrojnë, transmeton rajoni.
Edhe pse Policia e Kosovës është gjithmonë në nivel të detyrës në mbrojtje të çdo cepi të Kosovës, po përballet me sfida e gjendje krize. Se kjo është vërtet kështu e tregon edhe fakti se njësisë speciale që tri vite nuk u janë dhënë uniforma të reja.