Të gjithë e kemi vërejtur se si seriali ‘The Simpsons’, ka bërë një punë mjaft të mirë për të parashikuar të ardhmen me një saktësi të frikshme, në shumë raste.
Nga veshja e inaugurimit të Kamala Harris, te shfaqja Super Bowl e Lady Gaga dhe deri tek zgjedhja e Donald Trump si President i SHBA, kjo shfaqje ka mahnitur jo pak, duke i paraprirë ngjarjeve të rëndësishme botërore.
Por si ka mundësi që ata të jenë kaq të saktë? Epo me kalimin e viteve, disa nga mendjet që qëndrojnë prapa familjes së verdhë, kanë treguar për aftësitë e tyre të jashtëzakonshme.
Krijuesi Matt Groeining tha: ‘Ne mendojmë një shaka, më të vështirën, më qesharaken, më budallaqen, më të pamundurën, por pastaj rezulton se imagjinata jonë nuk ishte edhe aq e pamundur’.
Shkrimtari dhe producenti Al Jean shtoi: ‘Unë mendoj se nëse një tufë njerëzish të zgjuar bëhen së bashku dhe ata fillojnë të hedhin shigjeta, është e sigurt se disa prej tyre do të qëllojnë në shenjë. Dhe sa i përket fitores së Trump, duhet ta themi se ai fliste për kandidimin për President që në vitin 1999’.
Ndërsa për shfaqjen e Lay Gaga, ai tha: ‘Njerëzit thonë ‘oh ju e parashikuat shfaqjen e saj në Super Bowl’, por në fakt ajo kopjoi shfaqjen tonë’.
Ndërsa shkrimtari dhe producenti tjetër Matt Selman tha: ‘Nëse ti parashikon shumë ngjarje që i mendon të pamundura, bën shaka me çdo gjë, nuk është ndonjë çudi që ndonjëra prej tyre të ndodhë’.