Qeveria në detyrë ka aprovuar sot të gjitha pikat e propozuara për masat e reja anti-Covid.
Këto masa sipas burimeve të Syri Kosova brenda Qeverisë së Kosovës, do të hyjnë në fuqi nga dita e sotme.
Mbledhja online e Qeverisë së Kosovës është duke vazhduar edhe për pak minuta.
“Ora policore do të hiqet nga zonat e kuqe, operatorët ekonomikë do të punojnë deri në orën 22:00 dhe studentët i kthehen ligjëratave në fakultet, duke u hequr kështu opsioni online”, ka thënë ky burim.
Në draft-vendimin e Qeverisë lidhur me masat e reja, bëhet e ditur se qytetarët e huaj që hyjnë në Kosovë, e që vijnë nga vendet me risk të lartë sipas listës zyrtare të ECDC-së, duhet të kenë test RT-PCR negativ për COVID-19 të bërë në 72 orët e fundit në bazë të parimit të reciprocitetit.
Më poshtë mund t’i lexoni masat e reja anti-Covid:
Në komunat me rrezik të ulët operatorët ekonomik do të lejohen të punojnë nga ora 05:00 deri në orën 22:00, qendrat tregtare lejohen të punojnë nga ora 05:00 deri në orën 22:00, shërbimet e hotelerisë dhe gastronomisë lejohen të punojnë nga ora 05:00 deri në orën 22:00. Transporti publik do të lejohet të punoj duke shfrytëzuar 50 për qind të kapaciteteve.
Të komunat me rrezik të mesëm operatorët po ashtu do të punojnë nga ora 05:00 deri në orën 22:00, Qendrat tregtare do të punojnë nga ora 05:00 deri në orën 22:00 shërbimet e hotelerisë dhe gastronomisë lejohen të punojnë nga ora 05:00 deri në orën 22:00.
Në komunat me rrezik të lartë po ashtu operatorët ekonomik do të lejohen të punojnë nga ora 05:00 deri në orën 22:00, Qendrat tregtare do të punojnë nga ora 05:00 deri në orën 22:00 shërbimet e hotelerisë dhe gastronomisë lejohen të punojnë nga ora 05:00 deri në orën 22:00.
Nga sot, do të lejohet veprimtaria e tregjeve publike të automjeteve dhe kafshëve deri në 40{c4f6f675523692d3ad97f705ec84cff2d56c9fd9c844645fde873d290efb68f1} të sipërfaqes së kapaciteteve të shfrytëzimit.
Procesi arsimor në të gjitha institucionet e arsimit të lartë, publik dhe privat, si dhe provimet, punët praktike dhe laboratorike do të organizohen sipas plan-programit të institucioneve përkatëse në përputhje me “Manualin për mbrojtje nga përhapja e COVID-19.
Po ashtu veprimtaria e çerdheve publike e private vazhdon sipas vlerësimit dhe mbikëqyrjes nga autoritetet komunale, bazuar në “Manualin për mbrojtën nga përhapja e COVID-19.