Emërimi i drejtorit të ri të ndërmarrjes shërbyese publike “Eko Natyra” në Skënderaj Shemsi Maksuti, po del të jetë petëz jo i mirë apo thënë më mirë dështimi i radhës nga kjo qeverisje e Fadil Nurës, shkruan Rajoni.org. Kjo, për faktin se ndërmarrja në fjalë nuk është duke e kryer punën me rregull, për çka ajo paguhet.
Sipas burimeve të Rajoni.org nga tereni, grumbullimi i mbeturinave nga kjo ndërmarrje nëpër fshatrat është duke ndodhur me mjaft vonesë dhe si pasojë e kësaj, te banorët e atjeshëm është duke ndodhur një pakënaqësi për shkak të këtyre vonesave.
Këto foto Rajonit i kanë ardhur nga disa banorë të fshatrave të bashkësisë lokale të Klinës së Epërme, ku kontinierët e mbeturinave “po e presin” “EKO NATYREN“.
Këta banorë kanë thënë se kamionët e kësaj ndërmarrjeje tash e sa ditë nuk po vijnë t’i marrin mbeturinat dhe publikimi në media sipas tyre ka mbetur e vetmja mënyrë për të bërë sensibilizimin për moskryerjen e obligimeve të kësaj ndërmarrjeje publike./Rajoni.org/
Foto:
