A ka kushte të reja për heqjen e vizave? Kurti thotë se nuk është në dijeni

Kryeministri i vendit, Albin Kurti ka folur për raportimet e sotme dhe deklaratën e Komisionerit për Zgjerim të BE-së se për Kosovën mund të ketë udhërrëfyes të ri për liberalizimin e vizave, që mund të nënkuptonte kushte shtesë.

Në një deklarim para mediave, Kurti tha se nuk është në dijeni që ka kushte shtesë për këtë proces, shkruan lajmi.net.

Ai shtoi se Kosova ka plotësuar të gjitha kushtet dhe janë vetë organet brenda BE-së që kanë rekomanduar heqjen e vizave.

“Nuk jam në dijeni që ka kritere shtesë apo udhërrëfyes të ri. Ne i kemi plotësuar 95 kritere para shumë viteve dhe gjithashtu në të njëjtën kohë, është jo vetëm PE, por edhe Komisioni që ka rekomanduar për herë të dytë heqjen e regjimit të vizave”, tha i pari i Qeverisë.