A ka sot mësim?

Është e paqartë nëse të hënën do të nis viti i ri shkollor apo greva do të vazhdojë.

Kjo pasi Ministria e Arsimit dhe Sindikata e Arsimit kanë bërë thirrje të ndryshme.

Përmes një komunikate, të dielën, ministria e drejtuar nga Arbërie Nagavci iu ka bëë thirrje mësimdhënëseve që të shkojnë në punë nesër.

“Duke e marrë me seriozitet obligimin tonë për realizimin e plotë të së drejtës për arsim, por edhe përmirësimin e kushteve dhe kompensimin e mësimdhënësve, kërkojmë nga të gjitha palët e përfshira, që të rishikojnë dhe balancojnë interesat dhe t’i kthehen që nesër procesit mësimor”, thuhej në komunikatë.

Madje edhe nga Komuna e Podujevës, drejtori i arsimit, Avni Fetahu ka thënë se greva do të ndërpritet.