AAK në Drenas zgjodhi Aleancën e Gruas në praninë e kordinatorës dhe anëtarës së kryesisë Diellza Kukaj, ku me vota unanime kryetare për një mandat katër vjeçar u zgjodh Valbona Demaku Berisha.
Statusi i Diellza Kukaj:
Në kuadër të procesit të brendshëm zgjedhor në degën e Aleancës për Ardhmërinë e Kosovës në Drenas u mbajt kuvendi zgjedhor i Aleancës së Gruas në krye të së cilës me mbështetje të të pranishmeve u zgjodh znj. Valbona Demaku Berisha. Valbona ka studiuar për shkencat sociale dhe është aktive në jetën politike tash e disa vite.
Kandidimi i znj. Arta Ahmeti për të parën e Drenasit nga Aleanca për Ardhmërinë e Kosovës ka qenë dhe mbetet shembull i gruas së guximshme në marrjen e përgjegjësive qeverisëse. Ndërsa sot ajo është shembull i mirë për aktivizimin e grave dhe vajzave të reja në politikë në marrjen e përgjegjësive që u takon duke fuqizuar kështu rolin e gruas në shoqëri.
Falenderoj kryetarin e degës z. Beqir Kiqina dhe strukturat e Aleancës në Drenas për bashkëpunimin dhe angazhimin përgjatë gjithë procesit zgjedhor. Ndërkaq, kryetares së zgjedhur i uroj suksese dhe punë të mbarë në rrugëtimin e përbashkët!
