Aksident trafiku me të lënduar, treni godet veturën

Një aksident trafiku ka ndodhur mëngjesin e sotëm në fshatin Zahaq të Pejës. Treni ka goditur një veturë.

Siç shihet në fotot e siguruara nga IndeksOnline, vetura është dëmtuar, ndërsa mësohet se i lënduar ka mbetur shoferi i veturês i cili është derguar me emergjenc në spitalin e Pejës.

Pas aksidentit, Policia ka dalë në vend të ngjarjes.

Lajmin e ka konfirmuar zyrtari për media nga policia e Pejës, Fadil Gashi.

“Rreth orës 05:40 të mëngjesit ka ndodhur një aksident mes një trenit të udhëtarëve dhe një veture në fshatin Zahaq të Pejës. Lëndimë ka pësuar një person i cili është dërguar për në Emergjencën e spitalit rajonal në Pejë e më pas me udhëzim të mjekur është dërguar për trajtim në QKUK”, u shpreh Gashi.