Aktorja e njohur tërhiqet nga aktrimi, zbulon arsyen e vendimit

Aktorja e njohur, Sandra Bullock ka konfirmuar se do të shkëputet nga aktrimi tani për tani. Për Entertainment Tonight, aktorja është shprehur se nuk e di se sa do të zgjasë kjo shkëputje por thotë se do të jetë në vendin që e bën atë të lumtur – në shtëpi me fëmijët e saj 12 dhe 10 vjeçar.

“Unë e marr punën time shumë seriozisht,” tha ajo, duke vënë në dukje se është një punë “24/7”. “Dhe unë thjesht dua të jem 24/7 me fëmijët e mi dhe familjen time. Këtu do të jem për një farë kohë,” është shprehur më tej aktorja.

Kur u pyet se çfarë përfshin në listën e gjërave që do të bëjë në përditshmëri.“Duke ju shërbyer çdo gjë që iu nevojitet fëmijëve,” tha ajo. “Kalendari i tyre social.”