Albin Kurti takon vëllain e tij në shesh

Kryeministri i Kosovës, Albin Kurti, ka takuar rastësisht vëllain e tij, Taulantin, në shesh teksa po shkonte në këmbë në Forumin e Bizneseve të Diasporës, të mbajtur sot në kryeqytet.

Derisa ishte duke nxituar për këtë aktivitet, shefi i qeverisë u pa vetëm duke e përshëndetur me dorë vëllain që me gruan dhe një fëmijë po kalonte andejpari.

Portali Klan Kosova ka publikuar pamjet e ngjarjes.

Kjo paraqitje e kryeministrit është e para që nga arritja e tij mbrëmë nga vizita 20 ditëshe në Amerikë e Zvicër, ku zhvilloi takime të shumta.