Më 17 gusht të vitit 1807, si sot 214 vjet më parë, shpikësi dhe inxhinieri amerikan Robert Fulton filloi udhëtimin e parë me një anije me avull midis qyteteve Albany dhe Nju Jork.
Emri i anijes ishte Clermont. Pas vitesh të tëra propagande në mbështetje të përdorimit të nëndetëseve në luftë, Fulton krijoi një partneritet me ambasadorin e Shteteve të Bashkuara në France, Robert R. Livingston, i cili i krijoi atij mundësitë për projektimin dhe ndërtimin e një anijeje me avull.
Suksesi i tij i parë u arrit në gusht 1903, kur ai lëshoi një anije me avull në lumin Seine, në Francë.
Po në vitin 1903, Kongresi amerikan u dha partnerëve Livingston dhe Fulton të drejtën ekskluzive për të përdorur anijet me avull në ujërat e Nju Jorkut gjatë një periudhe 20-vjeçare. Udhëtimi i parë Albany – Nju Jork prej 240 kilometrash zgjati 32 orë.
Megjithëse kundërshtarët i quajtën përpjekjet e tij “Marrëzia e Fultonit”, suksesi i tij i dha mundësi partneritetit të fillonte shërbimet tregtare një vit më pas, më 4 shtator të vitit 1808.