Një fenomen mjaft shqetësues dhe që përbën sfidë për institucionet në Kosovë është prostitucioni. Autoritetet e vendit në vazhdimësi raportojnë për gra dhe burra që dyshohen për marrje me prostitucion. Për një rast të tillë, Policia në Skenderaj ka arrestuar gjatë ditës së djeshme dy persona të dyshuar, raporton Gazeta Sinjali.
Burimet e Sinjalit brenda Prokurorisë kanë bërë me dije se të arrestuarit janë një 29-vjeçare dhe një 40-vjeçar, të cilët dyshohen se kanë kryer këtë vepër në një motel në fshatin Llaushë të Skenderajt.
Sipas burimeve të Sinjalit, ngjarja ka ndodhur para 10 dite, por që Policia ka marrë informacionin gjatë ditës së djeshme.
Të dyshuarit që u arrestuan janë dërguar në Gjykatë, për procedurat e mëtejme dhe janë dënuar me gjobë të cilën do ta paguajnë.
Ndryshe, mjaft shqetësues është edhe fakti që shumë prej personave të dyshuar që merren me prostitucion janë të rinj në moshë.