(E plotësuar) Ballkani e ka fituar derbin kundër Prishtinës, me rezultat 0-1, sonte në ‘Fadil Vokrri’, ndeshje kjo e zhvilluar në kuadër të javës së pestë në Superligën e Kosovës në futboll.
Kampioni në fuqi i Kosovës, edhe në duel me kryeqytetasit ka vazhduar me formën e mirë, duke arkëtuar edhe tri pikë të mëdha në garën për të mbrojtur titullin e kampionit në Kosovë.
Fraksioni i parë i kësaj sfidë nuk ka dhënë lojën që pritej pasi që përballen dy skuadrat që synojnë titullin e kampionit, megjithatë, skuadra nga Suhareka në finish të pjesës së parë përmes Albion Rrahmanit (45+2’), ‘heshti’ Prishtinën, duke shënuar golin e fitores për skuadrën e Ilir Dajës.
Në pjesëlojën e dytë, u zhvillua lojë më e mirë nga të dy skuadrat. Futbollistët e Prishtinës më gjithë ‘arsenalin’ e tyre provuan që të gjejnë rrugën e golit, por assesi nuk ia dolën që ta çojnë topin të paktën njëherë në rrjetë, derisa skuadra e Ballkanit mirë e kontrollonte lojën në terren, madje, disa herë ishte afër golit të dytë.
Përfundimisht Ballkani mposht Prishtinën në ‘Fadil Vokrri’, duke bërë hapin e madh në garën për kreun e tabelës.
Albion Rrahmani ‘hesht’ Prishtinën
(E plotësuar) Ballkani e ka mbyllur pjesën e parë në epërsi kundër Prishtinës, me rezultat 0-1.
Ishte Albion Rrahmani, i cili në minutën 45+2’, zhbllokojë ndeshjen Prishtina-Ballkani, duke e kaluar skuadrën kampionë në epërsi prej 0-1.
Dy skuadrat e mëdha kosovare po luajnë në ‘Fadil Vokrri’ në derbin e javës së pestë të elitës së futbollit tonë.
Fraksioni i parë i kësaj sfidë nuk ka dhënë lojën që pritej pasi që përballen dy skuadrat që synojnë titullin e kampionit, megjithatë, skuadra nga Suhareka në finish të pjesës së parë ‘heshti’ Prishtinën, duke shënuar golin e avantazhit për Ballkanin.
Gjysmëorë lojë, s’ka gola në ‘Fadil Vokrri’
Kanë kaluar gjysmëorë lojë ende s’ka gola në derbin Prishtina-Ballkani.
Dy skuadrat e mëdha kosovare po luajnë në ‘Fadil Vokrri’ në derbin e javës së pestë të elitës së futbollit tonë.
Ndeshja nisi me disa minuta vonesë pasi para sfidës dy tifozeritë u përplasën në një përleshje në stadium.
Reshjet e shiut që kanë nisur para pak kohësh në Prishtinë nuk po pengon mijëra tifozë të ndjekin nga shkallët e stadiumit këtë sfidë.