Barcelona ka kaluar me lehtësi Cadiz-in në javën e pestë të La Liga-s spanjolle. Katalanasit fituan 4-0 në transfertë, një ndeshje që ishte e dominuar prej tyre përgjatë 90 minutave.
Ndeshja u ndërpre në minutën e 81, për më shumë se 20 minuta, pas një urgjence shëndetësore në tribuna. Lojtarët u futën në dhomat e zhveshjes, ndësa sfida rifillojë në orë 21:05.
Jeremias Ledesma, portieri i Cadiz-it, vrapoi i pari me një defibrilator në dorë për t’ia dhënë ndihmësve në mënyrë që ata të të ndihmonin tifozin.
Pjesa e parë e takimit përfundoi me rrjeta të paprekura. 10 minuta nga fillimi i pjesës së dytë do të vinte goli i parë i takimit me autor, Frenkie de Jong.
Holandezi shfrytëzoi maksimalisht asistin e Gavi-t, duke e dërguar topin në rrjetë.
Golin e dytë e shënoi i përherëshmi, Robert Lewandowski në minutën e 65. Sulmuesi polak e nisi ndeshjen nga stoli, për të zëvendësuar Memphis Depay-n në minutën e 57.
Për 34-vjecarin ky ishte goli numër gjashtë në La Liga deri më tani.
Në minutën e 86 të takimit, Lewandowski do të asistonte për Ansu Fati-n, teksa spanjolli realizoi për 3-0.
Për të vulosur shifrat në 4-0 mendoi Ousmane Demble në minutën e 92 të takimit.
Fitorja e ngjit Barcelona-n në vendin e pare në La Liga me 13 pikë. Pas pesë javësh të luajtura katalanasit kanë katër fitore dhe një barazim.
Në vendin e dytë gjendet Real Madrid me 12 pikë. Madrilenët kanë katër fitore në po aq ndeshje. Ata nuk e kanë zhvilluar ende takimin e javës së pestë.